АЛАРМ ВО КРИПТО СВЕТОТ Голем пад ги тресе најголемите валути
Аналитичарите смируваат дека краткорочните осцилации се очекувани на криптопазарот.
Повеќето водечки криптовалути бележат пад во изминатите 24 часа, под влијание на нов бран продажен притисок и зголемена краткорочна волатилност на пазарот.
Најголемата криптовалута, биткоин, се тргуваше околу 73.490 долари, со дневен пад од 0,77%, но и понатаму ја задржува доминантната позиција на криптопазарот.
Етериум забележа пад од 1,49% и се движеше околу границата од 2.000 долари, во услови на претпазливо расположение кај инвеститорите.
Меѓу поголемите губитници се издвојува BNB со пад од 5,37% на околу 698 долари, додека XRP се намали за 1,61%. Солана исто така се најде во негативна зона со пад од 1,24%, тргувајќи се околу 82 долари.
Стабилните криптовалути останаа релативно стабилни, при што Tether (USDT) и USD Coin (USDC) се задржаа близу до вредноста од 1 американски долар.
Аналитичарите оценуваат дека ваквите краткорочни осцилации се типични за криптопазарот, кој останува чувствителен на глобалните економски движења, монетарните политики и општото инвеститорско расположение.