ОПАСНА ИГРА НА ГРАНИЦИТЕ – Русија испраќа драматично предупредување
Приближувањето на НАТО инфраструктурата претставува закана за безбедноста на Русија.
Рускиот амбасадор во Норвешка, Николај Корчунов, предупреди дека активностите на НАТО во близина на стратешки важни руски објекти на полуостровот Кола можат да доведат до ризик од директна воена конфронтација.
Во интервју за агенцијата ТАСС, тој изјави дека приближувањето на воената инфраструктура и офанзивните системи на земјите членки на НАТО кон руските граници претставува сериозна закана за националната безбедност на Русија.
Корчунов оцени дека „конфронтациските потези“ на Алијансата во однос на рускиот стратешки потенцијал во арктичкиот регион ја нарушуваат регионалната и глобалната стабилност, зголемувајќи го ризикот од ненамерна ескалација и евентуален директен судир.
Според него, ваквиот развој на настаните би можел да има сериозни и далекусежни последици за сите засегнати страни.