ФУДБАЛСКИ БУРА – Расправија со Винисиус му донесе тешка казна на Престиани
Престиани тврди дека неговите зборови биле погрешно разбрани.
Играчот на Бенфика, аргентинецот Џалука Престиани, е суспендиран на шест натпревари од страна на УЕФА по инцидентот со Винисиус Жуниор за време на дуелот од Лигата на шампионите против Реал Мадрид.
Според информациите, Престиани влегол во вербален конфликт со бразилскиот фудбалер, при што упатил навреди кои биле оценети како неприфатливи и спротивни на правилата на УЕФА за борба против дискриминација. Европската куќа на фудбалот строго санкционира вакви однесувања на теренот.
„Сакам да појаснам дека во ниту еден момент не упатив расистички навреди кон Винисиус Жуниор. Тој, за жал, погрешно го разбрал она што го слушна. Никогаш не сум бил расист кон никого и жалам за заканите што ги добив од фудбалери на Реал Мадрид“, изјави Престиани.
УЕФА дополнително соопшти дека играчот веќе одлежал еден натпревар од суспензијата, и тоа на реваншот против Реал Мадрид во Мадрид.