НЕВЕРОЈАТЕН ПРЕСВРТ – Играчите го спасуваат Арбелоа од отказ

Во Шпанија се појавуваат различни информации околу иднината на Алваро Арбелоа на клупата на Реал Мадрид, но според „ТВЕ“, клубот засега нема намера да прави промени и планира тој да остане тренер и во следната сезона, и покрај елиминацијата во четвртфиналето од Лигата на шампионите и заостанувањето зад Барселона во Ла Лига.

Раководството на „кралскиот клуб“ продолжува да му дава доверба на младиот стратег, нагласувајќи дека не се водат разговори со потенцијални наследници. Во клубот го ценат неговиот ангажман и подобрувањето на атмосферата во соблекувалната.

Според „Марка“, Арбелоа има и силна поддршка од фудбалерите, кои сметаат дека тој успешно изградил добра тимска хемија. Неговото работење е позитивно оценето и од тактички аспект и во однос на начинот на кој го води тимот.

Арбелоа, кој има 43 години, го презеде Реал Мадрид на 13 јануари, заменувајќи го Чаби Алонсо, а неговиот договор важи до 2027 година.