ШОКАНТНА ИСПОВЕД НА ВНУКОТ НА ФИДЕЛ КАСТРО – Куба сака капитализам

Сандро Кастро, внук на покојниот кубански лидер Фидел Кастро, во интервју за CNN од Хавана изјави дека би го поздравил можниот договор меѓу САД и Куба. Тој истакна дека мнозинството Кубанци сакаат да преминат кон капиталистички систем, а не да останат под комунизмот.

Иако нема официјална позиција во кубанската влада, Сандро е познат како влијателен на социјалните мрежи и отворено ја критикуваше сегашната состојба на островот, повикувајќи на промени.

„Животот на Куба е толку тежок. Мислам дека повеќето граѓани сакаат Куба да биде капиталистичка, а не комунистичка. Има многу луѓе кои сакаат да работат во капиталистичкиот систем, а притоа да го зачуваат суверенитетот“, рече тој.

Сандро, исто така, остро го критикуваше претседателот Мигел Дијаз-Канел:

„Тој не ја врши добро работа.“

Коментарите доаѓаат во време на сериозна енергетска криза на Куба. Земјата не добива големи пратки на нафта веќе три месеци, главно поради забраната на САД за увоз на венецуелска нафта. Тоа доведе до масовни прекини на електрична енергија, недостиг на храна и празни полици, зголемување на цените на основните производи и нарушувања во здравствениот систем и транспорт.

Руски танкер со 700.000 барели нафта, под името Анатолиј Колодкин, вплови во пристаништето Матанзас, што е првата значајна испорака по блокадата од САД. Администрацијата на претседателот Доналд Трамп дозволи испорака од хуманитарни причини, избегнувајќи потенцијална конфронтација со Русија.

Сандро честопати објавува на Инстаграм снимки од луксузни ноќни клубови, спортски автомобили и забави со шампањ. Неговите видеа од богат живот предизвикуваат критики, особено бидејќи поголемиот дел од населението се соочува со енергетски и економски проблеми.

Сандро е син на Алексис Кастро Сото дел Вале, едно од децата на Фидел Кастро и втората сопруга Далија Сото дел Вале. Тој е сопственик на два бара во Хавана.

Не е прв член на семејството Кастро со контроверзии на социјалните мрежи, и неговиот внук Тони Кастро исто така предизвика реакции со фотографии од луксузен живот во 2019 година.