ЗГЛОБОВИ, МОДРИНКИ И ЗАБОРАВ – Здравствената сотојба на Трамп повторно сомнителна

Долго време постојат сомнежи околу здравствената состојба на американскиот претседател Доналд Трамп. Неговите отечени зглобови и темни модринки на рацете предизвикуваат шпекулации дека можеби прима чести интравенски терапии. Дополнително, неговата ментална острина е предмет на прашања поради нејасен говор, повремени збунувачки испади и паузи во меморијата. Најнов пример е интервју во кое Трамп не можеше да се сети на името на Алцхајмеровата болест, пишува Futurism.

За време на интервју за New York Magazine, Трамп се мачеше да ја наведе болеста, што е загрижувачки бидејќи таа се карактеризира со прогресивно губење на меморијата, а и неговиот татко Фред Трамп страдал од неа. Фред починал во 1999 година на 93-годишна возраст по долгогодишна борба со Алцхајмерова болест.

„Тој имаше еден проблем. На одредена возраст, околу 86, 87 години, почна да добива… како се вика тоа?“, рече Трамп. Неговата портпаролка Керолин Ливит го надополни: „Алцхајмерова болест“.

„Како Алцхајмерова болест… најчесто, немам таква болест“, продолжи Трамп. Кога го прашаа дали некогаш размислува за ова, тој го негираше, но одговорот звучеше неповрзано:

„Не, воопшто не размислувам за тоа. Знаете зошто? Бидејќи што и да е, мојот став е – каков и да е“.

Прашањата за когнитивната состојба очигледно го фрустрираат 79-годишниот Трамп. Во неколку збунувачки забелешки од Овалната соба претходно овој месец, тој се пофали дека неговата склоност кон млечни производи му помогнала да „б рилијира“ на сите когнитивни тестови.

„Брилјирав на секој затоа што пијам млеко“, изјави тој.

Трамп, исто така, потврди дека бил подложен на когнитивни тестови на 2 декември и 9 јануари, што укажува дека неговата невролошка состојба редовно се следи во последните месеци. Тој се пофали и дека уште во 2018 година постигнал совршен резултат на Монтреалската когнитивна проценка (MoCA), алатка за откривање на когнитивно оштетување.