ЗАКАНА ОД МЕДВЕДЕВ Сите европски војници испратени во Украина ќе се вратат во ковчези
Руската страна веќе јасно стави до знаење дека нема да биде прифатено какво било распоредување на западни сили на територијата на Украина. Кремљ оваа можност ја смета за директна провокација и кршење на сопствените безбедносни црвени линии.
Дмитриј Медведев, поранешен претседател на Руската Федерација и актуелен заменик-претседател на рускиот совет за безбедност и близок соработник на Владимир Путин, вечерва (18.04) упати остра закана до Западот по состанокот на американските и европските лидери одржан во Париз, на кој се разговараше за можноста за испраќање мировни сили во Украина.
„Сите европски војници испратени во Украина ќе се вратат дома во ковчези“ – рече Медведев.
Неговите зборови дојдоа веднаш откако евроатлантските партнери се состанаа во Париз за да разговараат за потенцијалното воено присуство како дел од договорот за прекин на огнот за кој моментално се преговара меѓу Вашингтон, Москва и Киев.
Руската страна веќе јасно стави до знаење дека нема да биде прифатено какво било распоредување на западни сили на територијата на Украина. Кремљ оваа можност ја смета за директна провокација и кршење на сопствените безбедносни црвени линии.
И покрај тоа, од западните престолнини доаѓаат пораки дека меѓународното воено присуство ќе има за цел да ја зајакне европската безбедност и да ја одврати Русија од натамошна агресија. Европската унија и НАТО, наводно, разгледуваат модели на ангажман што ќе овозможат стабилизирање на ситуацијата на теренот, притоа штитејќи го територијалниот интегритет на Украина.
