НЕСРЕЌЕН ИНЦИДЕНТ ВО ГОСТИВАР Осумгодишно дете повредено од петарда!

На 29 декември 2025 година, во 15:10 часот, во ОВР Гостивар пристигнала алармантна пријава од Ургентниот центар во Гостивар. Според информациите, малолетник со повреда на рака бил донесен на лекување. Полициските службеници веднаш излегле на местото на настанот и утврдиле дека се работи за осумгодишно дете од селото Врапчиште, во близина на Гостивар.

Според првичните информации, детето се здобило со повредите откако петарда експлодирала во неговата рака. По укажаната медицинска помош во локалната болница, поради сериозноста на повредите, детето било пренесено во Комплекс клиники „Мајка Тереза“ во Скопје за понатамошно лекување.

Случајот е во тек на истрага, а надлежните органи преземаат мерки за расчистување на околностите околу инцидентот. Овој шокантен настан повторно ја отвора дебатата за безбедноста на пиротехничките средства и нивната употреба, особено во периодот на празници.