ДЕНЕСКА КОНГРЕС НА ДУИ – Обнова на партиските структури и визија за иднината

Демократската унија за интеграција (ДУИ) денеска во Скопје го одржува својот петти конгрес.

Потпретседателот и портпарол на ДУИ, Арбр Адеми, на прес-конференција по завршувањето на локалните избори најави дека на конгресот ќе се реорганизираат и ќе се обноват партиските структури.

По минатомесечната седница на Советот на ДУИ, беше соопштено дека конгресот ќе има значајна улога во дефинирањето на идниот политички, организациски и програмски правец на партијата.

„Конгресот претставува клучен процес за јасно определување на политичката визија, зајакнување на внатрепартиските демократски механизми и подготовка на структурите за новите предизвици“, соопшти ДУИ.