ЃОРЃИЕВСКИ НАЈАВИ МЕРКИ ПРОТИВ АЕРОЗАГАДУВАЊЕТО Како клучни мерки ги посочи користењето алтернативни горива и набавката на нови електрични автобуси

Градоначалникот на Скопје, Орце Ѓорѓиевски, најави средба со премиерот и Министерството за животна средина до крајот на годината за дефинирање конкретни мерки против аерозагадувањето.

Тој истакна дека веќе се спроведуваат засилени инспекциски контроли и дека проблемот со загадениот воздух е долгогодишен и бара повеќефазни решенија. Како клучни мерки ги посочи користењето алтернативни горива и набавката на нови електрични автобуси, а најави и објавување насоки за постапување во денови со зголемено загадување.