ТРАМП ЈА ПРОШИРИ ЛИСТАТА ЗА ЗАБРАНА ЗА ВЛЕЗ ВО САД Мерката ја оправдуваат со безбедносни причини

Американскиот претседател Доналд Трамп ја прошири забраната за влез во САД, опфаќајќи ги и Сиријците и Палестинците со документи од Палестинската самоуправа, како и граѓаните на Буркина Фасо, Лаос, Мали, Нигер, Сиера Леоне и Јужен Судан, со можни исклучоци од случај до случај.

Белата куќа ја оправдува мерката со безбедносни причини, наведувајќи недоволни проверки на пасоши и слаба контрола во овие земји. Посебно се истакнуваат проблемите со верификацијата на документите од Сирија и Палестинската самоуправа.

Од јануари, Трамп спроведува построга имиграциска политика, а забраните за влез и натаму важат и за повеќе други земји, меѓу кои Авганистан, Иран, Либија, Сомалија и Јемен.