(ВИДЕО) ИНЦИДЕНТ ВО КАЛКУТА ЗА ВРЕМЕ НА ПОСЕТАТА НА ЛИОНЕЛ МЕСИ Незадоволни навивачи предизвикаа хаос

Посетата на Лионел Меси во Индија беше нарушена од инцидент во Калкута, каде што настапи хаос откако незадоволни навивачи втрчаа на теренот на стадионот Солт Лејк, јавуваат локалните медиуми.

Веднаш по пристигнувањето во Калкута, Меси беше пречекан од голем број навивачи на улиците, поради што мораше да биде евакуиран од аеродромот преку алтернативна рута.

Инцидентот се случил за време на еден од планираните настани од неговата турнеја. Навивачите изразиле незадоволство бидејќи Меси поминал само пет минути на теренот, додека поголемиот дел од времето бил во друштво на политичари и други влијателни личности од Калкута, Западен Бенгал и Индија.

Главниот министер на Западен Бенгал, Мамата Банерџи, се извини на Меси и на јавноста за организациските пропусти и нареди истрага.

„Длабоко сум вознемирен и шокиран од лошата организација што ја видовме денес на стадионот Солт Лејк. Искрено се извинувам на Лионел Меси, на сите спортски фанови и на неговите обожаватели за овој несреќен инцидент“, напиша Банерџи на X.

Меси е во Индија за прв пат од 2011 година. За време на оваа посета, тој ќе учествува на концерти, младински фудбалски кампови, турнир во падел и хуманитарни настани во Калкута, Хајдерабад, Мумбаи и Њу Делхи.

По повод неговата посета, во Калкута беше поставена статуа на Меси висока 21 метар, која тој треба официјално да ја открие за време на престојот во градот.

🤦What a shame! Angry Messi fans are vandalising the Salt Lake Stadium in Kolkata

Indian supporters are furious that the footballer showed up for just 10 minutes — and they couldn’t even get a proper look at him. https://t.co/dhmtCAqazz pic.twitter.com/Bfx5QjzNln

— NEXTA (@nexta_tv) December 13, 2025