НАЛОЗИТЕ ДА СЕ ДОСТАВАТ НА ВРЕМЕ – Трезорот за буџетски плаќања се затвора на 15 декември

Премиерот Христијан Мицкоски потврди дека трезорот за буџетски плаќања ќе се затвори во понеделник, на 15 декември.

„Многу е важно сите институции навремено да ги достават налозите до трезорот за да може тие да бидат платени на време. Доколку налозите се доставуваат на 25, 27 или 28 декември, тогаш пак Владата ќе им биде виновна што плаќањата не се извршени навреме. Се разбира, ќе има одредена толеранција, но целта е институциите одговорно да постапуваат за Министерството за финансии преку трезорот да ги исплати обврските кон доверителите“, изјави Мицкоски.