ИНТЕРНЕТ ВО ХАОС Паѓаат сајтови кои користат Cloudflare
Cloudflare управува со интернет сообраќајот на речиси секоја петта страница на светот, па проблемот влијае глобално.
Корисниците на интернет низ светот пријавуваат масовни прекини во работата на бројни платформи кои користат Cloudflare, меѓу кои се Zoom, Canva, LinkedIn и Down Detector.
Cloudflare обезбедува услуги за голем број познати сајтови, како Discord, Notion, X, Spotify, Canva, GitHub и Stack Overflow.
Проблемите го погодија и е-трговскиот сектор – платформи како Shopify, Etsy, Wayfair и H&M како и одредени медиуми, вклучувајќи Politico, Axios и BBC. Дури и Down Detector, сајтот кој ги следи дефектите на интернет-апликациите, се соочува со потешкотии.
Cloudflare е компанија која помага речиси на секоја петта интернет-страница да го управува и обезбедува својот сообраќај на интернет. Многу од платформите кои денес се недостапни ги користат нивните сервери.
Сличен проблем се случи кон крајот на ноември, кога десетици сајтови кои користат Cloudflare беа недостапни. Коосновачот и директор на компанијата, Метју Принс, тогаш се извини за „болката што му ја нанесовме на интернетот“, како што напиша на својот блог.
Претходниот прекин беше предизвикан од пад на системот кој ги штити сајтовите од DDoS напади – серверите беа преплавени со сообраќај и привремено онеспособени. Принс нагласи дека тој инцидент не бил резултат на кибер напад.
Сè уште не е познато што го предизвика денешниот прекин.
