МАДУРО СО ОБВИНУВАЊА ДО САД Обид со воена сила за преземање на венецуелските нафтени резерви

Венецуелскиот претседател Николас Мадуро ги обвини САД дека со засилено воено присуство во Карибите се обидуваат да ја преземат контролата врз нафтените резерви на Венецуела, пренесува dpa. Во писмо до OPEC тој предупредува дека Вашингтон сака „со воена сила“ да го загрози регионалниот и глобалниот мир, како и стабилноста на светскиот нафтен пазар.

Во последните недели претседателот Доналд Трамп го засили притисокот врз Каракас, испраќајќи дополнителни сили во регионот, меѓу кои и носачот на авиони USS Gerald R. Ford со придружни бродови и бомбардер. Американската влада тврди дека акцијата е насочена против трговијата со дрога.

Мадуро вели дека во Карибите се распоредени 15.000 американски војници и 14 бродови, бројки кои се совпаѓаат со информации на американските медиуми. Писмото до OPEC го испратил еден ден по изјавата на Трамп дека воздушниот простор на Венецуела треба да се смета за затворен.

Според Reuters, Трамп потврдил дека имал разговор со Мадуро, но не открил детали.