ПРЕМИЕРОТ МИЦКОСКИ – Син ми е добар и се враќа на училиште по три дена инфузии

Премиерот Христијан Мицкоски потврди дека неговиот син бил меѓу учениците кои се разболеле во училиштето „Димо Хаџи-Димов“ во Карпош. Тој нагласи дека сега Антони е во добра здравствена состојба по три дена примање инфузии.

„Антони беше дел од групата деца кои се разболеа. Иако медиумите известуваа дека бил во тешка состојба, сакам тоа да го демантирам – имаше симптоми слични на сите други деца. Тој примаше инфузии три дена и не присуствуваше на училиште во тој период. Антони е храбро и енергично момче, сака да се дружи, и претпоставувам дека сите ученици заедно ручале и конзумирале иста храна“ истакна премиерот.

Премиерот Мицкоски додава дека сега останува институциите да утврдат дали причината е храната или нешто друго.

„Од она што знам, Агенцијата за храна и ветеринарство спроведува сите неопходни испитувања. Апелирам да почекаме и да не даваме предвремени заклучоци. Денеска мојот син е подобро и очекувам од понеделник да се врати на училиште“, изјави Мицкоски.