ЗЕЛЕНСКИ ГО МАМИ ПУТИН ВО ЗАМКА – Марков открива тајна игра на Киев и Европа

Поранешниот советник на рускиот претседател Владимир Путин, Сергеј Марков, тврди дека стратегијата на Киев и европските лидери е да го натераат Кремљ јавно да каже „не“ на американските напори за постигнување прекин на војната во Украина.

Марков, професор и политиколог, кој беше советник на Путин од 2011 до 2019 година, често дава контроверзни, но точни прогнози. По августовскиот самит во Алјаска, тој прв предупреди дека состанокот нема да донесе конкретни резултати, дека американскиот претседател Доналд Трамп ќе ѝ остави време на Русија да напредува на терен, а потоа ќе излезе со нови предлози кои нема да бидат прифатливи за Москва.

Во меѓувреме, Марков беше прогласен за странски агент поради наводни врски со Азербејџан, земја со која Кремљ има комплициран однос. Тој и понатаму активно дава интервјуа за меѓународни медиуми, нудејќи свое гледиште оформено од реалполитички пристап и дозa цинизам.

Марков се осврнува и на медиумските наводи дека до Денот на благодарноста САД ќе настојуваат да постигнат рамка за мир. Трамп веќе ја негираше таквата временска рамка, наведувајќи дека рокот е „кога конфликтот ќе заврши“.

„Нема ‘земи или остави’ до 27 ноември. Процесот ќе трае долго. Можно е и да не заврши“, вели Марков.

Според него, врз САД ќе се врши голем притисок и од сојузниците и од внатрешнопартиските кругови во Вашингтон.

„Републиканците поврзани со воената индустрија, како Марко Рубио, ќе го туркаат Трамп најпрво да ги продолжи преговорите, а потоа да ги заостри антируските точки од актуелниот план.“

Марков додава дека Москва и натаму ги смета демилитаризацијата и денацификацијата за клучни барања, но тврди дека Путин не бил ригиден по овие прашања.

„Сите мислат дека Путин го мрази Зеленски. Трамп исто така. Но реалноста е поинаква: Путин го презира, што е различно од омраза. Не гледа никаква легитимност во него. А сите знаат дека по Зеленски може да дојде некој уште поригиден и поанти-руски. Затоа надежите дека Украина може да се врати во нашата сфера на влијание се сè помали“, вели Марков.

Тој тврди дека Зеленски се обидува да ја мобилизира целата Украина околу себе, да ги блокира плановите што ги смета за „проруски“ и истовремено да го заборави корупцискиот скандал што ја потресе неговата администрација. Според него, Киев ќе ја ангажира Европа да го притисне тимот на Трамп да предложи ревидиран мировен план, кој Москва ќе го одбие. Потоа, очекува колективен притисок врз Трамп за зголемување на воената поддршка на Украина и воведување нови санкции кон Русија.

„Киев има своја логика. Тоа е неспорно“, заклучува Марков.