ВРХОВНИОТ СУД ЈА ПОТВРДИЛ КАЗНАТА Поранешниот бразилски претседател Болсонаро заминува во затвор

Врховниот суд на Бразил ја потврди затворската казна од 27 години и три месеци за поранешниот претседател Жаир Болсонаро, кој треба да ја издржува во полициска станица во Бразилија, во ќелија од 12 m². Казни добија и шестмина негови соучесници во планирање на државен удар по поразот на изборите во 2022 година.

Судот ја одби жалбата на Болсонаро и пресудата стана конечна. Тој беше осуден во септември за заговор за државен удар по победата на актуелниот претседател Луиз Инасио Лула да Силва. Неговиот син Карлос изјави дека Болсонаро е „психолошки уништен“.