ТЕХНИЧКИ ЗАФАТ НА МРЕЖАТА Повеќе тетовски села без струја

Повеќе тетовски населени местаденес, 25 ноември 2025 година, ќе се соочат со планирани прекини на електричната енергија поради зафати на дистрибутивната мрежа. Според најавите, исклучувањата ќе се одвиваат во различни термини меѓу 08:53 и 15:00 часот.

Без струја ќе останат селата Седларево, Гургурница, Луковица, Мерово, Једоарце, Палатица, Брвеница и Пршовце. Прекин е најавен и за делови од градот Тетово, особено објектите лоцирани на улицата „Питу Гули“.

Термините на исклучување варираат во зависност од локацијата, а дел од корисниците ќе бидат без електрична енергија до раните попладневни часови, односно до периодот меѓу 14:00 и 15:00 часот.

Надлежните апелираат граѓаните навреме да се подготват и да ги прилагодат своите дневни активности согласно најавените прекини.