И ПОКРАЈ ПОРАЗОТ, МАКЕДОНИЈА ГО ЗАДРЖА 65. МЕСТО НА ФИФА РАНГ-ЛИСТАТА Останува баражот за пласман на Светското првенство

Македонската фудбалска репрезентација доживеа тежок пораз од Велс со 7:1 во Кардиф, со што беше прекината серијата од 14 натпревари без пораз. Бојан Миовски постигна единствен гол за Македонија, додека Хари Вилсон, Дејвид Брукс, Бренон Џонсон, Даниел Џејмс и Нејтан Броадхед ја комплетираа голеадата за Велс.

Со овој триумф Велс заврши како второпласирана во групата J зад Белгија (Белгија 18, Велс 16, Македонија 13), додека Македонија останува во игра за Светското првенство преку баражот. Белгија рутински го победи Лихтенштајн со 7:0.