GOOGLE ГО ПРЕТСТАВИ GEMINI 3 Моделот носи нови напредни алатки и може да извршува комплексни задачи
Моделот носи нови, напредни алатки: „Gemini Agent“ за премиум корисници, кој може да извршува комплексни задачи во повеќе чекори, како организација на е-пошта или резервација патувања; и „Antigravity“, платформа за компании во која АИ агентите самостојно планираат и пишуваат код.
Гугл ја претстави третата генерација на својот модел – Gemini 3, кој извршниот директор Сундар Пичаи го опиша како „најинтелигентниот модел“ досега. Само 11 месеци по претходната верзија, Gemini 3 веднаш е интегриран во најважните услуги на компанијата, вклучително и пребарувачот, што покажува агресивна стратегија за одржување на лидерската позиција во АИ трката.
Моделот носи нови, напредни алатки: „Gemini Agent“ за премиум корисници, кој може да извршува комплексни задачи во повеќе чекори, како организација на е-пошта или резервација патувања; и „Antigravity“, платформа за компании во која АИ агентите самостојно планираат и пишуваат код.
Најконтроверзна е новата форма на одговори во апликацијата – АИ создава страници со изглед на вистински веб-сајтови, со визуелни и интерактивни елементи. Овој пристап му овозможува на корисникот да добие целосни информации без да кликне на надворешни линкови, што може значително да го загрози веб-трафикот и приходите на издавачите на интернет содржини.
