ПОСЛЕДЕН ДЕН ОД КАМПАЊАТА ЗА ЛОКАНИТЕ ИЗБОРИ На полноќ започнува изборниот молк
Граѓаните ќе гласаат за градоначалници во 32 општини и во Градот Скопје, а ќе се прегласува на три избирачки места во Шуто Оризари. Во сабота ќе гласаат болните, изнемоштените, затворениците и лицата во домашен притвор.
Денеска завршува двонеделната кампања за вториот круг од Локалните избори 2025, што ќе се одржат во недела, на 2 ноември. На полноќ почнува изборниот молк кој ќе трае до недела во 19 часот.
Граѓаните ќе гласаат за градоначалници во 32 општини и во Градот Скопје, а ќе се прегласува на три избирачки места во Шуто Оризари. Во сабота ќе гласаат болните, изнемоштените, затворениците и лицата во домашен притвор.
Во Скопје за градоначалник се натпреваруваат Орце Ѓорѓиевски од ВМРО-ДПМНЕ и Амар Мециновиќ од Левица. Завршните митинзи ги одржаа коалицијата предводена од ВМРО-ДПМНЕ и Движењето ЗНАМ, додека Левица најави завршна прес-конференција.
Втор круг ќе има и во општините Карпош, Аеродром, Центар, Шуто Оризари, Куманово, Тетово, Кичево, Струга и уште 24 општини низ државата. Во четири општини – Гостивар, Врапчиште, Центар Жупа и Маврово – изборите ќе се повторуваат поради недоволен одзив.
Во првиот круг беа избрани советници во сите 79 општини и градоначалници во 44 општини.
