ДИРЕКТОРОТ НА КОМНАЛНА ХИГИЕНА ПОДНЕЛ ОСТАВКА Управниот одбор сè уште нема известување за оставката

Директорот на ЈП „Комунална хигиена“ Сабахадин Рустеми, кој е во притвор поради несобирањето на ѓубрето во Скопје, поднел оставка од морални причини, потврди неговиот адвокат Асмир Алиспахиќ.

По оставката, претпријатието остана без директор. Градоначалничката Данела Арсовска го повика премиерот Христијан Мицкоски да предложи нов раководител, обвинувајќи го дека преку својот Управен одбор и институциите создава хаос и политички притисок.

Од Управниот одбор велат дека сè уште немаат официјално известување за оставката.

Кривичниот суд му одреди 30-дневен притвор на Рустеми и на управителот за отпад, осомничени за загрозување на животната средина и природата.