ВИНИСИУС ПОД ЛУПА Реал Мадрид во шок по неговото неодговорно однесување

Винисиус Жуниор повторно предизвика бурни реакции во редовите на Реал Мадрид. Негодувањето по замената за време на Ел Класико предизвика хаос, а легендата на клубот, Фернандо Мориентес, не штедеше критики кон бразилскиот напаѓач. По одлуката на тренерот Чаби Алонсо да го повлече од играта, Винисиус не само што демонстрираше незадоволство, туку и се обиде да влезе во конфликт со играчите на Барселона.

Мориентес, кој е познат по својата посветеност кон клубот, смета дека таквото однесување е неприфатливо. „Пред сè, ова е недостаток на почит кон тренерот. Тој е тој што ги донесува одлуките“, изјави Мориентес за Cope. Според него, Винисиус требало да го изрази своето незадоволство на поинаков начин, а не на теренот. „Можеш да се лутеш, можеш да покажеш незадоволство, но тоа му го кажуваш на тренерот наредниот ден. Ова за мене е израз на непочитување за соиграчот што влегува во игра и момчето кое му е соиграч и во репрезентацијата“, додаде тој.

Ситуацијата дополнително се влоши кога Винисиус, наместо да се поздрави со тренерот, замина право во соблекувалната. Мориентес смета дека ова е непочитување не само кон тренерот, туку и кон навивачите и целокупниот стручниот штаб. „Ова е непочитување за навивачи, стручниот штаб, баш сите…“, заклучи легендата на Реал.

Иако Винисиус можеби имал свои причини за таквото однесување, тие не можат да го оправдаат неговиот постапок. Како што вели Мориентес, „тоа што го прави е недозволиво“.