ГОРИВАТА ПОСКАПУВААТ ОД ПОЛНОЌ Дизел за 1 денар, бензин за 0,5 денари

Од ноќеска на полноќ, дизел горивата поскапуваат за еден денар по литар, додека цената на бензините се зголемува за половина денар, одлучи денеска Регулаторната комисија за енергетика, водни услуги и услуги за управување со комунален отпад (РКЕ).

Со оваа одлука, малопродажните цени на нафтените деривати се зголемуваат во просек за 0,88% во споредба со претходната пресметка.

Новите малопродажни цени ќе бидат:

• ЕУРОСУПЕР БС-95: 73,5 денари по литар

• ЕУРОСУПЕР БС-98: 75,5 денари по литар

• ЕУРОДИЗЕЛ БС (Д-Е V): 68 денари по литар

• Екстра лесно масло за горење (ЕЛ-1): 67,5 денари по литар

Малопродажната цена на мазутот М-1 НС се зголемува за 0,010 денари по килограм и ќе изнесува 36,057 денари.

Според РКЕ, референтните цени на нафтените деривати на светскиот пазар бележат зголемување во просек: Бензини: +1,990%, дизел: +4,345%, екстра лесно масло: +3,773%, и мазут: +0,554%

Курсот на денарот во однос на доларот е понизок за 0,3996% во споредба со претходната пресметка.