ПРЕТСЕДАТЕЛОТ ЕРДОГАН Ниту едно регионално прашање не може да се реши без Турција
Тој исто така нагласи дека Турција ќе продолжи да води политики кои се базираат на стабилност, соработка и мир во соседните земји и пошироко.
Турскиот претседател Реџеп Таип Ердоган истакна дека ниту едно регионално политичко или безбедносно прашање – од Сирија до Газа и од Персискиот Залив до конфликтот меѓу Русија и Украина не може да се реши без учество на Турција, пренесе државната новинска агенција Анадолија.
На завршната сесија на „Средбите на векот на Турција“ во Истанбул, Ердоган посочи дека Турција се позиционирала како „почитуван глас на регионално и глобално ниво, земја која промовира мир и стабилност“.
Тој нагласи дека визијата на Анкара се насочува кон иднина каде што „ни една генерација не е залудно потрошена, мајките не плачат, а владеат мирот, безбедноста и просперитетот“.
Претседателот додаде дека долгорочната цел на Турција е да обезбеди единство и безбедност на нацијата, истовремено придонесувајќи за помирен регион.
„Со заедничка волја, прво ќе изградиме Турција без терор, а потоа и регион без терор, оставајќи трајно наследство за идните генерации“, рече Ердоган.
Тој исто така нагласи дека Турција ќе продолжи да води политики кои се базираат на стабилност, соработка и мир во соседните земји и пошироко.
