ДО КАДЕ МОЖЕ ДА ОДАТ ЦЕНИТЕ ЗА МЛАДИТЕ ФУДБАЛЕРИ? 100 милиони евра за 18-годишен играч со само 7 натпревари

Фудбалскиот свет повторно е во шок поради неверојатните цени на младите играчи. РБ Лајпциг, клуб познат по својата способност да развива млади таленти, постави астрономска цена од 100 милиони евра за својот нов бисер, 18-годишниот крилен напаѓач Јан Диомандe. Диомандe, кој пристигна во Лајпциг ова лето од шпанскиот клуб Леганес за 20 милиони евра, веќе предизвика внимание со своето доаѓање, но она што следуваше ги надмина сите очекувања.

Младиот играч, кој е репрезентативец на Брегот на Слоновата Коска, досега одигра само 7 натпревари за Лајпциг, постигнувајќи еден гол. Оваа статистика е сè што може да се пофали во својата сениорска кариера во германскиот фудбал. Сепак, управата на клубот не чекаше да види како ќе се развие неговата форма во текот на сезоната. Според информации од Германија, Лајпциг сега го проценува на неверојатни 100 милиони евра и јасно им стави до знаење на потенцијалните купувачи дека само сериозни понуди ќе бидат разгледувани.

Оваа ситуација поставува прашање за иднината на фудбалот: Каде оди фудбалот? Како е можно 18-годишен играч со помалку од 20 настапи да биде оценет на толкава сума? Овие настани само ја зголемуваат дебатата за вредноста на младите таленти во современиот спорт.