ОД КЕШБЕК ДО КЕШ КАТАСТРОФА – Витанов танцува во луксуз на јахта во Монако, жртвите плачат за парите

На социјалните мрежи се појави видео за кое се тврди дека е снимено на јахта во Монако, а во описот се наведува дека лицето кое танцува е бизнисменот Зоран Витанов.

Витанов во јавноста е познат преку платформата MyWorld, некогаш споена со Лајонес, за која подоцна се појавија информации дека завршила во стечај.

„Поздрав од јахта во Монако од „успешниот“ бизнисмен Зоран Витанов до сите членови, симпатизери и инвеститори во Лајонес клуб. Благодарение на нивните вложувања тој си обезбеди удобен и раскошен живот. Ваков „интелигентен“ народ е вистински сон за секој „успешен“ бизнисмен и за секоја власт“, стои во натписот над видеото.

Не е прецизирано дали станува збор за нова снимка или за видео направено пред извесно време.