УСТАВЕН СУД НЕ ПОВЕДЕ ПОСТАПКА – Нема повреда на Уставот со правилникот на ДИК за независни кандидати

Уставниот суд денеска одлучи да не поведе постапка за Правилникот на Државната изборна комисија (ДИК), со кој независните кандидати за советници и градоначалници ќе можат да учествуваат на локалните избори на 19 октомври со само два граѓански потписи.

Претседателот на Судот, Дарко Костадиновски, изјави дека непостапувањето на ДИК на ваков начин би значело „огромна и тешка повреда на Уставот и брутално погазување на одлуката на Судот, Уставот и Изборниот законик“.