КОЈ ЌЕ ПРЕГОВАРА СО ПУТИН ВО ИМЕ НА ЕВРОПА Четири имиња во игра за мир во Украина
Според „Политико“, сè уште нема согласност за тоа кој би ја презел оваа улога, а меѓу имињата што се разгледуваат се Антонио Кошта, Урсула фон дер Лајен, Каја Калас и финскиот претседател Александар Стаб.
Европските влади ја разгледуваат можноста за назначување специјален преговарач кој во име на Европа би водел разговори со рускиот претседател Владимир Путин за можен мировен договор за Украина, објави бриселскиот портал „Политико“.
Идејата е Европа да добие појасна и поусогласена улога во евентуалните мировни преговори, но засега не е постигнат договор меѓу европските официјални претставници за тоа кој би бил најсоодветен да ја преземе оваа задача.
Според „Политико“, меѓу имињата што се споменуваат се претседателот на Европскиот совет, Антонио Кошта, претседателката на Европската комисија, Урсула фон дер Лајен, шефицата на европската дипломатија, Каја Калас, како и претседателот на Финска, Александар Стаб.
Станува збор за високи европски политички претставници со различни дипломатски искуства и улоги во обликувањето на европската политика кон Русија и Украина.
Како потенцијален кандидат, финскиот претседател Александар Стаб се издвојува поради добрите односи со американскиот претседател Доналд Трамп и искуството на Финска во односите со Русија.
Финска, која дели долга граница со Русија, има значајно историско и геополитичко искуство во односите со Москва. Воедно, односите на Стаб со Трамп би можеле да бидат предност во обидите за усогласување на европските и американските дипломатски напори.
Сепак, засега нема конечна одлука за назначување преговарач, ниту договор за тоа кој би ја претставувал Европа во евентуалните директни разговори со Путин.
ТРАМП НАЈАВУВА ПРЕСВРТ ВО УКРАИНА Крајот на војната е поблиску од кога било
