ЗЕМЈОТРЕС ЈА ПОТРЕСЕ ХЕРЦЕГОВИНА: Епицентарот близу Мостар

Денес, во 12:22 часот, Босна и Херцеговина беше погодена од земјотрес со интензитет од 3,4 степени според Рихтеровата скала, според информации од Европскиот медитерански сеизмолошки центар (EMSC). Епицентарот на земјотресот е лоциран 14 километри западно од Мостар, на длабочина од пет километри.

Според првичните податоци, тресењето било почувствувано во поширокото подрачје на Херцеговина, но и во соседните земји, вклучувајќи Босна, Хрватска и Црна Гора. Најсилно тресење регистрирале жителите на Мостар и околните населби. Граѓаните на социјалните мрежи споделуваат дека тресењето било кратко, но доволно силно за да предизвика чувство на несигурност во домовите.

Досега нема информации за материјална штета или повредени лица. За потсетување, Херцеговина е позната по својата сеизмичка активност, а во овој регион на Босна и Херцеговина, секоја година се бележат благи и умерени земјотреси.