ЗЕЛЕНСКИ: НЕМА ЗНАЦИ ЗА ПРЕКИН НА НЕПРИЈАТЕЛСТВАТА – Според него Русија се спрема за нови офанзивни операции

Украинскиот претседател Володимир Зеленски изјави дека нема знаци оти Русија планира прекин на непријателствата, туку напротив – движи трупи на начин што укажува на нови офанзиви. Тој порача дека територијалните отстапки нема да ја убедат Москва да стави крај на војната и дека единствениот „мир“ што може да се постигне е преку сила и силна одбрана.

Зеленски нагласи дека во последната недела Русија извела над 1.400 воздушни напади и продолжила со ракетирања, додека Украина ја зајакнува својата воздушна одбрана и се бори да ги задржи позициите на фронтот.