ЗЕЛЕНСКИ ИЗДАДЕ НОВА НАРЕДБА Украина ќе испраќа 1.000 дронови дневно кон Русија

Украинскиот претседател Володимир Зеленски во својство на Врховен командант на украиснките вооружени сили најави значително зголемување на украинските напади со беспилотни летала со долг дострел врз цели во Русија.

Зеленски денеска изјави дека ѝ наложил на украинската армија бројот на вакви напади да биде зголемен на 1.000 дневно, што е повеќе од досегашните околу 300 напади дневно.

„Постои многу конкретна цел и ние ќе ја исполниме таа задача“, порача Зеленски во своето вечерно обраќање, пренесува „Укринформ“.

Според украинскиот претседател, прашањето било разгледано и на состанокот на Врховниот командант, каде што се разговарало и за испораката на оружје и системи потребни за заштита на Украина од руските напади.