ВРЕМЕНСКА ПРОГНОЗА ЗА ДЕНЕСКА Сончево со мала до умерена облачност,

По облачното утро, денеска во земјава ќе преовладува сончево време со мала до умерена локална облачност и слаб до умерен северен ветер, кој долж Повардарието ќе биде повремено засилен, информира Управата за хидрометеоролошки работи (УХМР). Утринските температури се движат од 2 до 12 Целзиусови степени, додека дневните ќе достигнат меѓу 15 и 22 степени.

Во Скопје времето ќе биде претежно сончево со умерена облачност и слаб до умерен ветер од северен правец. Максималната дневна температура во главниот град ќе достигне до 21 степен.

Според УХМР, стабилното и релативно топло време ќе продолжи до вторник, а од среда се очекува промена на временската состојба со услови за локални врнежи од дожд и пад на дневните температури.