ВРЕМЕНСКА ПРОГНОЗА ЗА ДЕНЕС Променливо облачно со локални врнежи и умерен северен ветер

Времето денеска ќе биде променливо облачно со повремени локални врнежи од дожд со послаб интензитет, информира Управата за хидрометеоролошки работи (УХМР). Ќе дува слаб до умерен ветер, претежно од северен правец.

Температурите ќе се движат од 5 до 10 Целзиусови степени минимални, а максималните дневни ќе достигнат од 14 до 19 степени.

Во Скопје се очекува променливо облачно време со повремен дожд и слаб до умерен северен ветер. Утринската температура ќе се спушти до 10 степени, додека дневната ќе достигне до 16 степени.

Според најавите од УХМР, до вторник ќе преовладува претежно стабилно време, а од среда повторно се очекуваат локални врнежи од дожд и благ пад на температурите.