ВАРДАР ДИРЕКТНО ВО ГРУПНАТА ФАЗА Алкалоид пред тежок предизвик
Македонскиот ракометен шампион Вардар 1961 и оваа сезона ќе биде дел од групната фаза во Европската лига, откако Европската ракометна федерација (ЕХФ) му обезбеди директен пласман.
Македонија сè уште има шанса за втор претставник, но тоа ќе зависи од Алкалоид, кој во квалификациите ќе се соочи со еден од најтешките можни противници – Хановер од Германија. Победникот од тој двомеч ќе се приклучи во групите.
Во пресрет на утрешната ждрепка (11:00 часот, седиште на ЕХФ – Виена), објавени се шеширите за извлекувањето:
Шешир бр.2 – Вардар 1961
Шешир бр.3 – Хановер/Алкалоид (доколку Алкалоид избори пласман)
Во групната фаза ќе учествуваат 32 екипи поделени во 4 шешири, од кои ќе се извлекуваат групите. Меѓу фаворитите се клубови како Фленсбург, Монпелје, Порто и Кадетен Шафхаузен.
Ждрепката ќе ја дефинира патеката на Вардар, а Македонија со нетрпение очекува и можно второ европско име – доколку Алкалоид направи подвиг против Хановер.
