УСЛОВНА КАЗНА ЗА НАПАЃАЧОТ НА ДАНЕЛА АРСОВСКА Судот ја донесе одлуката по признание на вина и изразено каење

Основниот кривичен суд Скопје му изрече условна казна затвор од две години на Реџеп Нуредини за нападот врз градоначалничката Данела Арсовска во јуни во Чаир.

Казната нема да се изврши доколку во следните пет години не стори ново кривично дело. Судот ја донесе одлуката по признание на вина и изразено каење од страна на обвинетиот. Адвокатот Насер Рауфи изјави дека пресудата е резултат на соработката со судот и дека Арсовска не се приклучила кон кривичниот прогон.

Нуредини беше обвинет за „насилство“ според член 386 од Кривичниот законик.