УШТЕ ЕДЕН ВАГОН СЕ ВРАЌА НА МАКЕДОНСКИТЕ ПРУГИ Ново засилување за железницата

Уште еден патнички вагон наскоро ќе се вклучи во железничкиот сообраќај во земјава, откако успешно беше сервисиран од работниците на Македонски железници – Транспорт.

Веста е соопштена денска и притоа се истакнува дека продолжуваат активностите за подобрување на капацитетите на македонските железници.

Станува збор за вагон од серијата Bm, кој располага со 11 купеа и вкупно 66 седишта, а може да развие максимална брзина од 160 километри на час.

Сервисирањето е дел од напорите за обновување и подобрување на постојниот возен парк, со цел зголемување на расположливите капацитети за патнички железнички превоз во земјава.