ТЛОТО СЕ ТРЕСЕШЕ ВО ВАЛАНДОВО – Почувствувано и во Струмица

Денеска во 13:35 часот, телеметриската сеизмолошка мрежа на Република Северна Македонија, одржувана од Сеизмолошката опсерваторија при Природно-математичкиот факултет во Скопје, регистрираше земјотрес со епицентар во реонот на Валандово.

Земјотресот бил со локална магнитуда од 2.9 степени според Рихтеровата скала, а епицентарот се наоѓал на околу 123 километри југоисточно од Скопје.

Според првичните информации, потресот бил почувствуван во Валандово, Струмица и околните места со интензитет од III степени според Европската макросеизмичка скала, што значи дека е слабо почувствуван од населението и не предизвикал материјални штети.