ТИТОВИОТ ДОКТОР ОТКРИ – Што мислел Броз за Дража Михаиловиќ
Тито бил убеден дека ако не беше југословенската кралска избегличка влада во Лондон, Дража ќе се бореше заедно со партизаните.
Личниот лекар на Јосип Броз Тито, познатиот д-р Предраг Лалевиќ, откри детали од разговор на кој бил присутен и кој ја откри вистинската мисла на Тито за четничкиот водач Драгољуб Дража Михаиловиќ.
Д-р Лалевиќ, кој беше Титов личен анестезиолог цели 16 години, раскажа дека Тито еднаш признал дека Дража му бил „слабост“. Тој бил на бродот „Галеб“, во друштво на Јованка Броз и Милош Миниќ, кога Броз зборувал за Дража и како му испратил 500 пушки за време на војната. Тито бил убеден дека ако не беше југословенската кралска избегличка влада во Лондон, Дража ќе се бореше заедно со партизаните. Во еден момент, Тито застана и изјави:
„Морам да признаам, Дража ми беше слабост.“
Сите беа запрепастени од ова признание. Јованка потоа праша каде е погребан Дража, но Тито молчеше. Д-р Лалевиќ раскажа дека само Тито и Милош Миниќ знаеле каде се наоѓа гробот на генералот.
Драгољуб Михаиловиќ, водач на четничките сили во Втората светска војна, бил осуден на смрт од комунистичкиот режим 1946 година и погубен во Белград, но гробот му останува непознат до ден-денес. Во 2015 година, Високиот суд во Белград ја поништи политичката пресуда и го рехабилитираше.
