ТЕЛЕФОНСКА АНКЕТА ПРЕДИЗВИКА РЕАКЦИИ Лажни или вистински резултати

Според најновата анкета на Институтот за политички истражувања (ИПИС), премиерот Христијан Мицкоски ужива петпати поголема доверба кај граѓаните отколку лидерот на опозицијата Венко Филипче. Рејтингот на Мицкоски е 27% додека кај Филипче изнесува 5%.

Телефонската анкета била спроведена на 1.114 испитаници во рок од три дена. Таа покажува дека владејачката ВМРО-ДПМНЕ со 26% наспроти 9,6% на СДСМ има 2,5 пати поголем рејтинг.

Опозициската СДСМ остро реагираше, нарекувајќи го истражувањето „чист пропаганден потег“ на власта и не реален одраз на јавното мислење. Социјалдемократите велат дека ВМРО-ДПМНЕ сака да ја прикрие намалената доверба во Владата и да подготви терен за предвремени парламентарни избори напролет.

Од СДСМ додаваат дека владејачката партија брза со избори во март или април, по примерот на Србија и Унгарија, пред да се открие „вистината за мигрантите во јуни“.