СТАРМЕР МОЛЧИ, РИВС ПЛАЧЕ ОТИ МОЖАТ ДА ЈА СМЕНАТ Криза во британската влада
И покрај шпекулациите околу нејзината иднина, од Даунинг стрит потврдија дека Ривс останува на својата функција и ќе продолжи да ги води економските политики на владата.
Атмосфера на политичка напнатост и внатрепартиски превирања ја одбележа седницата на британскиот парламент во вторникот вечер, откако дел од лабуристичките пратеници се побунија против предложените реформи во системот за социјална помош. Ситуацијата кулминираше со вознемиреноста на министерката на Министерството за финансии, Рејчел Ривс, која беше видена на работ на солзи за време на сесијата.
Ривс, која седеше до премиерот Кир Стармер, не успеа да ги скрие емоциите додека одговараше на жестоките критики од дел од својата партија. Присутните сведочеа за драматична сцена во парламентот, во која премиерот Стармер остана без коментар, и покрај тоа што беше директно прашуван дали Ривс ќе остане на нејзината функција.
Незадоволството кулминираше по гласањето за контроверзниот Закон за социјална помош, против кој се изјаснија 49 пратеници од редовите на Лабуристичката партија. Законот беше изменет во последен момент, а отфрлањето на мерката „Плаќање за лична независност“ (PIP) остави дупка во буџетот од 5,5 милијарди фунти.
Финансиската неизвесност дополнително ги усложнува плановите на владата за даночна политика и јавна потрошувачка, предупредуваат локални економски аналитичари.
Дополнителна драма се случи и пред самото гласање, кога Ривс влезе во вербален конфликт со претседателката на парламентот, Линдзи Хојл. Деталите за расправата не беа објавени, а кабинетот на министерката ја оцени ситуацијата како „лично прашање“.
И покрај шпекулациите околу нејзината иднина, од Даунинг стрит потврдија дека Ривс останува на својата функција и ќе продолжи да ги води економските политики на владата.
Политичките аналитичари предупредуваат дека овој бунт во партијата претставува прв сериозен тест за лидерството на Стармер како премиер, само неколку месеци по преземањето на власта.
