ШОКАНТНА ИЗЈАВА – Украина не е американска војна, ама САД помагаат повеќе од сите
Рубио изјави дека САД придонесуваат повеќе од било која друга земја и дека Трамп ќе го разгледа ова при идни одлуки.
Американскиот државен секретар Марко Рубио во четврток изјави дека Соединетите Американски Држави даваат најголема помош на Украина, иако конфликтот „не е американска војна“. Тој додаде дека американскиот претседател Доналд Трамп ќе го земе ова предвид при донесувањето идни одлуки.
Рубио истакна дека САД постојано се повикувани да помагаат во конфликтот „на друг континент“.
„Украина не е американска војна, но ние придонесовме повеќе во таа борба од која било друга земја во светот“, рече тој.
Според објавата на Стејт департментот на социјалната мрежа X, Рубио додаде дека ова ќе биде прашање што ќе се анализира во иднина и ќе биде разгледано од Трамп при донесувањето на одлуки.
Тој, исто така, нагласи дека кога САД имаат потреба од поддршка, не секогаш добиваат позитивен одговор.
Претходно, Трамп изјави дека САД пренасочуваат воени ресурси од Украина кон Блискиот Исток, каде што продолжува конфликтот со Иран. Наместо директна воена помош на Украина, САД сега продаваат оружје на НАТО, кое се проследува до Украина како дел од иницијативата „Приоритетна листа на барања за Украина“.
