САД ДАЛЕКУ ПРЕД СИТЕ Инвеститорите „леат“ милијарди, кој уште е во топ 10?
Со речиси 279 милијарди долари странски директни инвестиции, САД остануваат неприкосновен лидер благодарение на силната потрошувачка, технолошкиот сектор и инфраструктурните инвестиции.
САД остануваат најголемата дестинација за странски инвестиции во светот, со значителна предност пред останатите земји. Финансиските центри како Сингапур, Хонг Конг и Луксембург исто така бележат високи приливи во однос на големината на нивните економии.
Странските директни инвестиции (СДИ) покажуваат каде компаниите градат фабрики, ги прошируваат своите операции и вложуваат во долгорочен економски раст.
Оваа анализа ги рангира 100-те земји со најголем прилив на странски директни инвестиции во 2024 година, според податоците на Конференцијата на Обединетите нации за трговија и развој (УНКТАД).
Соединетите Американски Држави привлекоа околу 279 милијарди долари странски директни инвестиции во 2024 година, задржувајќи ја водечката позиција на светско ниво.
Оваа позиција се должи на силната потрошувачка и побарувачка, развиениот технолошки сектор и големите инфраструктурни инвестиции, кои ја зголемуваат довербата на инвеститорите.
Овие семји имаат најголем прилив на странски директни инвестиции во 2024 година: САД со 279 милијарди долари, Сингапур 143 милијарди долари, Хонг Конг 126 милијарди долари, Кина 116 милијарди долари, Луксембург 106 милијарди долари, Канада 64 милијарди долари, Бразил 59 милијарди долари, Австралија 53 милијарди долари, Египет 47 милијарди долари, Обединети Арапски Емирати 46 милијарди долари, Мексико 37 милијарди долари, Кајмански Острови 36 милијарди долари, Франција 34 милијарди долари, Шпанија 31 милијарди долари и Индија 28 милијарди долари.
Вкупниот глобален прилив на странски директни инвестиции во 2024 година изнесува околу 1,5 трилиони долари.