РЕАЛ МАДРИД СО ПРЕСВРТ ДО ПОБЕА Алонсо коментира за играчите без минутажа

Реал Мадрид забележа важна победа над Мајорка со 2:1 на домашен терен, но тренерот Чаби Алонсо не заборави да ги спомне играчите кои не добија шанса за настап. Овој триумф е втор за „кралскиот клуб“ во новата сезона на Ла Лига. Гостите од Мальорка први се радуваа, откако Ведат Муруќи го постигна првиот гол во 18. минута, по асистенција од Пабло Торре. Сепак, Реал успеа да се врати во игра во последните моменти од првото полувреме, кога Арда Гулер израмни на 1:1, а Винисиус Жуниор го доведе клубот во водство, што се покажа како клучно.

По завршувањето на натпреварот, Алонсо одржа конференција за медиуми, каде што беше прашан за Фран Гарсија, кој не доби минутажа, иако блескаше на Светското клупско првенство. „Фран Гарсија? Разговарав со него, но и со Асенсио, Алаба и сите други. Знаат дека ќе имаат шанси да играат бидејќи има периоди кога ќе играме три натпревари неделно,“ изјави Алонсо, истакнувајќи дека сите играчи треба да бидат подготвени за предизвиците.

Интересно е што Реал Мадрид имаше поништени три гола, од кои два на Килиан Мбапе поради офсајд. „Офсајдите не ми се грижа. Среќен сум што Мбапе постојано остава закана на спротивниот гол. Сигурен сум дека оваа сезона ќе постигне многу погодоци,“ додаде тренерот.

Алонсо, иако некои тренери се радуваат на предстоечата репрезентативна пауза, изрази незадоволство: „Не сум задоволен што следи пауза. Повеќе би сакал тимот да остане заедно и да продолжиме со работа, бидејќи конечно дојдовме во вистински ритам. Неопходно е да сме заедно за да го достигнеме посакуваниот ниво и треба време за да ги поправиме некои аспекти.“

По репрезентативниот застој, Реал ќе му гостува на Совиедад на 13 септември, а три дена подоцна ќе го игра првиот меч од новата сезона на Лигата на шампиони против Марсеј во Мадрид.