ПОЧНУВА ПРВИОТ УПИСЕН РОК ЗА СРЕДНОШКОЛЦИТЕ Пријавување од 14 до 17 јуни
Пријавувањето ќе се врши преку националниот портал за образовни услуги e-uslugi.mon.gov.mk, каде што учениците ќе се најавуваат со сопствените кориснички сметки на платформата schools.mk.
Министерството за образование и наука потсетува дека од утре, 14 јуни, започнува електронското пријавување за упис во средните училишта за учебната 2025/2026 година.
Пријавувањето ќе се врши преку националниот портал за образовни услуги e-uslugi.mon.gov.mk, каде што учениците ќе се најавуваат со сопствените кориснички сметки на платформата schools.mk.
Првото пријавување ќе трае од 14 до 17 јуни, а вториот рок е закажан за 30 јуни. Конечните ранг-листи по двата уписни рока ќе бидат објавени на 2 јули, соопштуваат од Министерството.
Иако процесот е електронски, како и во претходните години, учениците ќе треба да достават и хартиени документи директно во училиштата. Од надлежното министерство најавуваат дека се работи на целосна дигитализација на процесот од наредната година.
Конкурсот со слободните места во средните училишта е објавен на официјалната страница на Министерството и може да се пристапи преку следниот линк.
