ОСУМ ДЕЦЕНИИ СТАБИЛНОСТ И РАЗВОЈ – Јубилеј на Народната банка

Народната банка на Северна Македонија оваа година одбележува 80 години од почетокот на институционализираното централнобанкарско работење во земјата. Според банката, овој јубилеј ја потврдува долгорочната, динамична и одговорна еволуција на институцијата, која е обележана со континуирани трансформации и прилагодувања на економските и општествените промени.

Основите на централнобанкарското работење беа поставени со Уредбата за спојување на кредитните претпријатија од државниот сектор на 25 септември 1946 година, со која Македонската стопанска банка стана Централа на Народната банка на ФНРЈ за Народна Република Македонија. Тие беа дополнително зацврстени со спојувањето со Народната банка на ФНРЈ на 19 октомври истата година. Со создавањето на независната држава и прогласувањето на монетарната самостојност во април 1992 година, Народната банка се разви во самостојна институција, носител на сите клучни функции на современото централно банкарство.

Во текот на изминатите осум децении, банката работеа во различни општествени и економски услови, од периоди на стабилност до длабоки трансформации. Постепено ги утврди своите надлежности и функции, градејќи институционален интегритет и станувајќи современа, професионална и кредибилна централна банка, со висок ниво на доверба кај јавноста и препознатлив углед на меѓународната финансиска сцена. Преку доследно спроведување на своите законски цели и одржување на ценовната и финансиската стабилност Народната банка создава стабилни макроекономски услови и придонесува за одржлив економски раст и развој на општеството.

По повод јубилејот, Народната банка најавува низа активности со кои ќе се истакне нејзиното богато институционално наследство и значајната улога на централното банкарство во современото општество.