ОСТАР ПОВИК НА ТРАМП – Апсење на Обама поради „лажна руска афера“

Американскиот поранешен претседател Доналд Трамп побара апсење на својот претходник, Барак Обама, тврдејќи дека Обама наредил измислување на разузнавачки информации за изборите во 2016 година, пишува списанието „Американ конзерватив“.

Трамп во објава на социјалната мрежа Truth тврди дека Обама лично ѝ наредил на ЦИА да создаде лажни разузнавачки податоци за наводна соработка на Трамп со Русија, со цел да се спречи неговата победа. Тој ги нарече овие дејствија „обид за државен удар“ и инсистираше дека Обама мора да сноси одговорност.

Весникот потсетува дека само неколку дена пред оваа објава, Федералното истражно биро (ФБИ) во присуство на високи функционери од администрацијата на Трамп заплени документи од изборниот центар во округот Фултон, поврзани со претседателските избори во 2020 година, на кои победи Џозеф Бајден.

Исто така, се потсетува на извештај од јули 2025 година на директорката на Националната разузнавачка служба, Тулси Габард, според кој администрацијата на Обама по победата на Трамп всушност измислила разузнавачки информации за наводно руско мешање во изборите. Целта била да се спречи Трамп да ја оствари својата власт.

Габард истакна дека пред изборите, американската разузнавачка заедница едногласно проценувала дека Русија ниту имала намера, ниту можност да влијае на изборите. Сепак, по победата на Трамп во декември 2016 година, администрацијата на Обама наводно наредила нов извештај кој ги поништува претходните проценки, при што клучниот наод дека Русија не влијаела на исходот бил отстранет и класифициран.