ОХРИС И СТРУГА ПОВТОРНО СЕ ТРЕСЕА Земјотрес со магнитуда од 2,5 степени
Инаку, истиот регион и вчера изутрина беше погоден од серија потреси. Најсилниот од нив се случи во 04:34 часот и беше почувствуван со интензитет од V степени.
По вчерашната серија потреси, синоќа по полноќ е регистриран нов земјотрес во охридско-струшкиот регион.
Според податоците на Сеизмолошката опсерваторија при Природно-математичкиот факултет во Скопје, земјотресот со локална Рихтерова магнитуда од 2,5 степени се случил во 00:48 часот, со епицентар во подрачјето меѓу Пештани, Охрид и Струга, на околу 102 километри југозападно од главниот град.
Земјотресот бил почувствуван од населението во Охрид, Струга и околните места, со интензитет од IV степени според Европската макросеизмичка скала.
Инаку, истиот регион и вчера изутрина беше погоден од серија потреси. Најсилниот од нив се случи во 04:34 часот и беше почувствуван со интензитет од V степени.
Нема пријавени материјални штети, но потресите предизвикаа вознемиреност кај жителите од овој дел на државата. Сеизмолошките служби продолжуваат со внимателно следење на сеизмичката активност во регионот.
