ОБЈАВЕНА НОВА ОБВРЗНИЦА Граѓаните можат да инвестираат во обврзница со 4,5% камата
Номиналната вредност на обврзницата изнесува 10.000 денари а граѓаните можат да доставуваат понуди до 10 декември 2025 година.
Министерството за финансии (МФ) денеска објави Проспект за издавање на нова Граѓанска обврзница во вкупен износ од 100 милиони денари. Граѓаните ќе можат да поднесуваат понуди за запишување обврзници до 10 декември 2025 година.
Според проспектот, номинална вредност на обврзницата е 10.000 денари (минимален износ за запишување), купонска каматна стапка изнесува 4,5% годишно, и рочност од 2 години.
Аукцијата за обврзниците ќе се одржи на 12 декември, а понудите се доставуваат преку деловните банки во земјава.
Датум на достасување е 19 декември 2027 година додека исплатата на каматата за првата година ќе биде на 19 декември 2026 година а за втората година на 19 декември 2027 година.
Ова е третa емисија на Граѓански обврзници од страна на Министерството за финансии. Претходните две емисии изнесуваа вкупно 41,1 милион евра и веќе се исплатени заедно со каматата за двете години. Во првата емисија беа запишани обврзници во износ од 23,5 милиони евра, додека во втората емисија износот изнесуваше 17,6 милиони евра.